Vətəndaşların avtomobil yolları ilə bağlı müraciətlərinə baxılıb
Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Saleh Məmmədov Siyəzən rayonunda vətəndaşlarla görüşüb.
Crossmedia.az Agentliyə istinadən xəbər verir ki, görüşdən əvvəl AAYDA-nın İdarə Heyətinin sədri və Siyəzən Rayon İcra Hakimiyyətinin başçısı Novruz Novruzov Ümummilli Lider Heydər Əliyevin abidəsini ziyarət edərək, abidə önünə gül dəstələri düzüb, Ulu Öndərin əziz xatirəsinə ehtiramlarını ifadə ediblər.
Daha sonra Siyəzən rayonu “2 №-li Yol İstismarı” MMC-nin inzibati binasında keçirilən görüşdə Siyəzən və Xızı rayonlarından olan vətəndaşların müraciət və şikayətləri dinlənilib. Müraciətlər əsasən avtomobil yollarının təmir-bərpası və yenidən qurulması, işə qəbul və digər məsələlərlə bağlı olub.
Görüş zamanı hər bir vətəndaşın müraciəti dinlənilib və agentliyin balansında olan avtomobil yolları ilə bağlı şikayətlərin qısa müddətdə araşdırılaraq zəruri tədbirlərin görülməsi barədə aidiyyəti struktur bölmələrinin rəhbərlərinə tapşırıqlar verilib.
15:42 20.12.2024
Oxunuş sayı: 9709
