İran ABŞ-ni HƏDƏLƏDİ
İran ABŞ-ni Yaxın Şərqdə enerji təchizatının dayandırılması ilə hədələyib.
Crossmedia.az xəbər verir ki, bu barədə İranın Ali rəhbərinin müşaviri Məhəmməd Müxbir bildirib.
O bildirib ki, Tehran Vaşinqtonun qarşılıqlı anlaşma memorandumundan irəli gələn bütün öhdəliklərini tam şəkildə yerinə yetirməyənə qədər mövcud vəziyyətlə razılaşmayacaq.
Müşavirin sözlərinə görə, İran öz maraqlarını qorumaq üçün bütün imkanlardan istifadə etməyə hazırdır. O, həmçinin vurğulayıb ki, ABŞ üzərinə götürdüyü öhdəlikləri icra etmədiyi təqdirdə, regionda enerji təchizatı ilə bağlı ciddi problemlər yarana bilər.
Qeyd edək ki, tərəflər arasında münasibətlər son dövrlərdə daha da gərginləşib və qarşılıqlı bəyanatlar beynəlxalq ictimaiyyət tərəfindən diqqətlə izlənilir.
08:20 21.06.2026
Oxunuş sayı: 301
