Xarici xəbərlər
Tehrandan ABŞ-yə xəbərdarlıq: Son söz Xameneinindir
İranda radikal mövqeyi ilə tanınan din xadimi Əhməd Ələmülhüda bildirib ki, ölkə adından bağlanacaq heç bir razılaşma ali rəhbər Müctəba Xameneyinin təsdiqi olmadan qüvvəyə minə bilməz.
Crossmedia.az xəbər verir ki, İran mediasının yaydığı məlumata görə, o, "Ali rəhbər Müctəba Xameneinin imzası olmadan heç bir razılaşma və ya öhdəlik qəbul edilə bilməz” deyə bəyan edib.
Ələmülhüda həmçinin ABŞ-yə qarşı düşmənçilik və etimadsızlığın İran İslam Respublikasının əsas prinsiplərindən biri olduğunu vurğulayıb.
Onun sözlərinə görə, İran ali rəhbərliyin göstərişlərinə tam əməl etməklə təkcə ABŞ-ni deyil, həm də istənilən təsirli beynəlxalq aktoru ölkəyə qarşı aqressiv addımlar atmaqdan çəkindirməlidir.
17:37 12.06.2026
Oxunuş sayı: 270
