Kobaxidze: Avropa bürokratiyasının Gürcüstana yanaşması dəyişməlidir
Gürcüstanın Baş naziri İrakli Kobaxidze bildirib ki, viza liberallaşdırılması siyasi təzyiq və ya şantaj vasitəsinə çevrilməməlidir.
Crossmedia.az xarici mediaya istinadən xəbər verir ki, Kobaxidze ölkəsinin bütün suallara aydın cavab verdiyini və Avropa tərəfi ilə dialoqa tam açıq olduğunu vurğulayıb.
“Cavablarımız büllur kimi aydındır, qalan hər şey siyasətdir. Ümid edirik ki, nəticədə Avropa bürokratiyası daxilində yanaşmalar dəyişəcək və gürcü xalqı, dövlətimiz və ölkəmiz üçün ədalətli münasibət formalaşacaq. Bütün suallara cavabımız var və dialoqa tamamilə açığıq. Ədalətli yanaşma istəyirik və bunu avropalı tərəfdaşlarımıza bildiririk”, – deyə Baş nazir qeyd edib.
Kobaxidze Avropa qurumlarını Gürcüstana münasibətdə daha obyektiv və ədalətli mövqe sərgiləməyə çağırıb.
17:13 12.06.2026
Oxunuş sayı: 56
