Pentaqonda kimyəvi təhlükə şübhəsi ilə təxliyə həyata keçirilib
ABŞ Müdafiə Nazirliyinin qərargahı olan Pentaqonda kimyəvi çirklənmə ehtimalı ilə bağlı fövqəladə rejim tətbiq edilib.
Crossmedia.az xəbər verir ki, bu barədə xarici KİV məlumat yayıb.
Məlumata görə, potensial təhlükəli maddələrin aşkar olunmasından sonra binanın bir neçə dəhlizi və mərtəbəsi, o cümlədən 2–5-ci səviyyələr müvəqqəti olaraq bağlanıb. Həmin zonalardan əməkdaşların qismən təxliyəsi həyata keçirilib, digər personal isə iş yerlərində qalmağa davam edib.
Əraziyə kimyəvi təhlükələrə qarşı müdaxilə qrupları cəlb olunub. Mütəxəssislər havanın keyfiyyətini ölçür, həmçinin havalandırma sistemləri yoxlanılır.
Qurum rəsmiləri təhlükəsizlik protokollarının tam şəkildə işə salındığını bildirib. Zərərçəkmiş hissəyə giriş isə dezinfeksiya və vəziyyətin tam qiymətləndirilməsi tamamlanana qədər məhdudlaşdırılıb.
21:35 11.06.2026
Oxunuş sayı: 47
