Xarici xəbərlər

Trampdan İrana: Təbliğatda güclüdür, döyüşdə yox

ABŞ prezidenti Donald Tramp İranla bağlı sərt açıqlamalar verib.

Crossmedia.az xəbər verir ki, o bu barədə “Fox News” telekanalına müsahibəsində danışıb.

Tramp İranın təbliğat aparmaqda güclü olduğunu, lakin hərbi sahədə eyni nəticəni göstərə bilmədiyini bildirib.

Onun sözlərinə görə, Tehran beynəlxalq mediada öz mövqeyini təqdim etməyə çalışsa da, real vəziyyət fərqlidir. Tramp həmçinin İranın danışıqlar prosesində çətinliklə üzləşdiyini qeyd edib.

ABŞ prezidenti İranı uzun illər Yaxın Şərqdə gərginliyin əsas səbəbkarlarından biri adlandıraraq “47 ildir Yaxın Şərqin zorakısıdır” ifadəsini işlədib.

Tramp əvvəlki nüvə sazişini tənqid edərək onu “nüvə silahına aparan yol” kimi qiymətləndirib və hazırkı siyasətin İranın nüvə silahı əldə etməsinin qarşısını almağa yönəldiyini bildirib.

O, həmçinin mediada bəzi hallarda İranın yanlış şəkildə “qalib kimi təqdim edildiyini” deyərək bu yanaşmanı tənqid edib.

🖨 Çap et

19:05 11.06.2026

Oxunuş sayı: 1923