Ermənistandan Rusiyaya mesaj: Qaz sazişləri qüvvədə qalacaq
Ermənistanın baş naziri Nikol Paşinyan bildirib ki, Ermənistan və Rusiya arasında təbii qaz tədarükü ilə bağlı uzunmüddətli razılaşmalar mövcuddur və tərəflərdən hər hansı birinin bu öhdəliklərdən birtərəfli qaydada imtina etməsini təsəvvür etmək çətindir.
Crossmedia.az bu barədə xarici mediaya istinadən xəbər verir.
Hökumətdə keçirilən brifinqdə çıxış edən Paşinyan qeyd edib ki, belə davranış müqavilə öhdəliklərinə uyğun deyil.
Baş nazir eyni zamanda vurğulayıb ki, Ermənistan hakimiyyəti mövcud vəziyyətlə bağlı bütün mümkün inkişaf ssenarilərini təhlil edir.
Paşinyanın sözlərinə görə, o, səkkiz ildən artıqdır ki, Rusiya prezidenti Vladimir Putin ilə işləyir və onu faktlara əsaslanan rasional siyasətçi kimi tanıyır. O bildirib ki, Rusiya tərəfinin hər hansı narahatlığı olarsa, İrəvan həmin məsələləri səbir və dialoq yolu ilə aradan qaldırmağa çalışacaq.
Paşinyan, həmçinin, Moskvadan rəsmi dəvət alacağı təqdirdə Rusiyaya səfər etməyə hazır olduğunu bildirib və belə bir dəvəti rədd etməyəcəyini vurğulayıb.
Rusiya prezidentinin onu parlament seçkilərindəki qələbə münasibətilə hələ təbrik etməməsinə dair suala cavab verən Paşinyan, “Ümid edək ki, təbrik edəcək”, – deyə qeyd edib. Nikol Pasinyan
18:23 11.06.2026
Oxunuş sayı: 51
