Ermənistan yeni atom elektrik stansiyası üçün təklifləri dəyərləndirir
Ermənistan yeni modul atom elektrik stansiyasının tikintisi ilə bağlı yekun qərar verməyə tələsmir.
Crossmedia.az xarici mediaya istinadən xəbər verir ki, bu barədə ölkənin Ərazi İdarəetmə və İnfrastruktur naziri David Xudatyan brifinq zamanı məlumat verib. Onun sözlərinə görə, hazırda ABŞ, Fransa, Rusiya, Cənubi Koreya və Çin tərəfindən təqdim olunan təkliflər nəzərdən keçirilir və layihə üzrə seçim prosesi davam edir.
Nazir bildirib ki, Rusiyanın təklif etdiyi modul atom elektrik stansiyası texnologiyası hazırda üzən atom elektrik stansiyalarında istifadə olunur. Bununla yanaşı, Ermənistanda fəaliyyət göstərən mövcud atom elektrik stansiyasının ən azı 2036-cı ilə qədər işləməsi mümkündür və onun istismar müddətinin daha da uzadılması variantı da müzakirə edilir.
Xudatyan qeyd edib ki, yeni modul atom elektrik stansiyası layihəsi ilə bağlı ABŞ tərəfi ilə də müzakirələr aparılıb. Eyni zamanda, mövcud stansiyanın xidmət müddətinin uzadılması üçün Rusiya ilə əməkdaşlıq istiqamətində işlər davam etdirilir.
15:42 11.06.2026
Oxunuş sayı: 53
