Xarici xəbərlər

Gecə əməliyyatı: Krıma aparan mühüm keçidlər zədələndi

Ukraynanın Xerson vilayətinin Rusiyanın nəzarətində olan hissəsində bir gecə ərzində üç körpü zədələnib.

Crossmedia.az xarici mediaya istinadən xəbər verir ki, bu barədə Rusiya tərəfindən təyin edilmiş yerli administrasiya məlumat yayıb.

Məlumata görə, zərbələr Preobrajenka və Mirna yaşayış məntəqələri yaxınlığında Şimali Krım kanalı üzərində yerləşən körpülərə, həmçinin Perekop–Armiansk avtomobil marşrutundakı körpüyə və Stavki kəndi yaxınlığındakı keçidə endirilib.

Bildirilib ki, bundan əvvəl Çonqar körpüsü və Heniçesk yaxınlığındakı bərə keçidi də zədələnmişdi.

Hərbi ekspertlərin fikrincə, Ukrayna bu hücumlarla Krım yarımadasına gedən logistika marşrutlarını zəiflətməyə, nəqliyyat əlaqələrini çətinləşdirməyə və enerji təchizatına təsir göstərməyə çalışır.

🖨 Çap et

15:18 11.06.2026

Oxunuş sayı: 274