Tramp Netanyahunu sərt tənqid edib: Sənin ucbatından hamı İsrailə nifrət edir
ABŞ prezidenti Donald Tramp İsrailin Baş naziri Benyamin Netanyahunu telefon danışığı zamanı sərt şəkildə tənqid edib.
Crossmedia.az xəbər verir ki, bu barədə "Axios" nəşri məlumat yayıb.
Məlumata görə, Tramp atəşkəsin pozulmasına görə Netanyahuya irad bildirib və onun ünvanına kəskin ifadələr işlədib. ABŞ liderinin telefon danışığı zamanı Netanyahunu "dəli" adlandırdığı qeyd olunub.
Mənbələrin sözlərinə görə, Tramp Netanyahuya "Mən olmasaydım, sən həbsxanada olardın" deyib. O, həmçinin İsrailin beynəlxalq imicinin zərər gördüyünü vurğulayaraq, "İndi hamı sənə nifrət edir. Buna görə də hamı İsrailə nifrət edir" ifadəsini işlədib.
Qeyd edək ki, tərəflər arasında telefon danışığının atəşkəsin pozulması fonunda baş tutduğu bildirilir. Rəsmi Vaşinqton və Təl-Əviv hələlik məlumatla bağlı açıqlama verməyib.
08:06 02.06.2026
Oxunuş sayı: 42
