Xarici xəbərlər

Qaz xəritəsi dəyişir: Ukraynadan Azərbaycana sensasiyalı təklif gəlib

Ukrayna Azərbaycana Avropanın ən böyük yeraltı qaz anbarlarından istifadə etməyi təklif edib.

Crossmedia.az xəbər verir ki, Ukraynanın energetika naziri Denis Şmıhal 31-ci Bakı Forumunda çıxışı zamanı bildirib ki, Ukrayna artıq yenilənmiş Avropa qaz xəritəsinin, o cümlədən Trans-Balkan marşrutunun bir hissəsinə çevrilib.

Nazirin sözlərinə görə, bu marşrut vasitəsilə Xəzər qazı Avropada enerji çatışmazlığı yaşayan regionlara çatdırıla bilər. O qeyd edib ki, Azərbaycan qazının həmin dəhliz üzrə ilk sınaq tədarükləri layihənin real perspektivə malik olduğunu göstərib.

Denis Şmıhal vurğulayıb ki, bu əməkdaşlıq nəticəsində Azərbaycan etibarlı enerji təchizatçısı kimi mövqeyini gücləndirəcək, Ukrayna əsas tranzit və xidmət mərkəzi statusunu artıracaq, Avropa isə alternativ və sabit enerji mənbələri əldə edəcək.

🖨 Çap et

16:22 01.06.2026

Oxunuş sayı: 190