ABŞ-nin dövlət borcu İran əməliyyatından sonra artıb
ABŞ Maliyyə Nazirliyi açıqlayıb ki, ölkənin dövlət borcu İrana qarşı hərbi əməliyyatların başladığı dövrdən bu yana 406,5 milyard dollar artıb.
Crossmedia.az bu barədə xarici mediaya istinadən xəbər verir.
Qeyd olunur ki, əməliyyatlar fevralın 28-də ABŞ və İsrail tərəfindən İran ərazisindəki hədəflərə zərbələr endirilməsi ilə başlayıb. Daha sonra, aprelin 8-də Vaşinqton və Tehran arasında atəşkəs elan olunduğu bildirilib.
Maliyyə Nazirliyinin məlumatına əsasən, əməliyyatlardan bir gün əvvəl — fevralın 27-də — ABŞ-nin ümumi dövlət borcu 38 trilyon 769 milyard 805 milyon dollar səviyyəsində qeydə alınıb.
Rəqəmlər ABŞ-nin fiskal yükünün qısa müddət ərzində ciddi şəkildə artdığını göstərir və bu artımın həm hərbi xərclər, həm də ümumi büdcə kəsiri ilə əlaqələndirildiyi bildirilir.
14:30 31.05.2026
Oxunuş sayı: 42
