İrana məxsus təxminən 1 milyard dollarlıq kriptovalyuta müsadirə edilib
ABŞ Maliyyə Nazirliyi İrana aid olduğu bildirilən təxminən 1 milyard dollarlıq kriptovalyuta aktivlərinin müsadirə edildiyini açıqlayıb.
Crossmedia.az xəbər verir ki, maliyyə naziri Skott Bessent bildirib ki, bu aktivlər ABŞ-nin İrana qarşı tətbiq etdiyi sanksiyalardan yayınma ilə bağlı aparılan araşdırmalar zamanı müəyyən edilib və ələ keçirilib.
“Biz təxminən 1 milyard dollarlıq İran kriptovalyutasını ələ keçirdik — sadəcə pul kisələrini götürdük. Bəziləri hazırda nəsə çap edə bilər və pul kisələrinin ələ keçirildiyini belə bilmirlər. Bu, İran xalqından oğurlanmış puldur,” — deyə Bessent qeyd edib.
Nazir müsadirənin dəqiq vaxtı və hansı növ kriptovalyuta aktivləri ilə bağlı olduğu barədə əlavə məlumat verməyib.
Qeyd edək ki, ABŞ uzun müddətdir İranın maliyyə sisteminə qarşı sanksiyalar tətbiq edir və kriptovalyuta əməliyyatları bu sanksiyalardan yayınma vasitəsi kimi izlənilir.
10:08 30.05.2026
Oxunuş sayı: 57
