Telekommunikasiya və nəqliyyat
AZAL Naxçıvan reyslərini yenidən bərpa edib
"Azərbaycan Hava Yolları" QSC (AZAL) əlverişsiz hava şəraiti səbəbilə təxirə salınan Bakı-Naxçıvan-Bakı reyslərini yenidən bərpa edib.
Crossmedia.az xəbər verir ki, bu barədə AZAL-dan məlumat verilib.
Bildirilib ki, hazırda bölgədə qeyri-stabil hava şəraiti mövcud olsa da, reyslərin icrasına təhlükə törətmədiyindən sözügedən marşrut üzrə uçuşlar həyata keçirilməyə davam edir.
AZAL vəziyyəti nəzarətdə saxlayır və sərnişinlərin təhkükəsizliyi üçün bütün zəruri tədbirləri görür. Uçuş cədvəlində hər hansı dəyişiklik baş verdiyi təqdirdə sərnişinlərə müvafiq qaydada məlumat veriləcək.
10:32 22.05.2026
Oxunuş sayı: 325
