Azərbaycan regionda nəqliyyat siyasətinin əsas aktorudur - Elmar Məmmədyarov
Bakı-Tbilisi dəmiryolunun yenidən açılması Cənubi Qafqazda iqtisadi və geosiyasi dinamikanın dəyişməsinə təsir edən mühüm hadisədir.
Bu layihə region ölkələri arasında əlaqələrin daha funksional və səmərəli xarakter almasına şərait yaradır.
Layihə ilə bağlı müxtəlif tərəflərin iddialarına baxmayaraq, əsas reallıq onun ardıcıl dövlət siyasəti və strateji planlaşdırma nəticəsində mümkün olmasıdır. Azərbaycanın bu prosesdə oynadığı rol regional əməkdaşlığın inkişafında mühüm yer tutur.
Cənab Prezidentin müdrik və uzaqgörən siyasəti regionda sabitlik və əməkdaşlıq mühitinin gücləndirilməsinə xidmət edir. Bu yanaşma nəticəsində Cənubi Qafqazda inteqrasiya prosesləri daha dayanıqlı və effektiv xarakter alır.
Məsələ ilə bağlı keçmiş xarici işlər naziri Elmar Məmmədyarov Crossmedia.az-la öz fikirlərini bölüşüb:
"Bu təşəbbüs hər iki ölkənin razılığı əsasında həyata keçirilib. Əgər Azərbaycanın, cənab prezidentin razılığı olmazsa Gürcüstan tərəfi ya qeyri tərəf nə qədər istəsə də bu mümkün olmazdı. Bu məsələ ötən illərdən müzakirə olunurdu. İndi isə bu təklif reallaşdı. Bu prosesin reallaşmasında da əlbəttə ki, cənab prezidentin rolu danılmazdır. Ölkə başçısı qonşu dövlətlərlə əlaqələrə hər zaman böyük diqqət göstərib. Məhz bu dəmiryolunun açılmasıda göstərilən diqqətin bariz sübutudur".
Elmir Heydərli
17:02 20.05.2026
Oxunuş sayı: 60
