Rusiya İrana pilotsuz sistemlərlə bağlı geniş dəstək planlayır
“The Economist” nəşri Rusiya və İran arasında pilotsuz uçuş aparatları ilə bağlı yeni iddialar yayıb.
Crossmedia.az xəbər verir ki, nəşrin məlumatına görə, Rusiya Federasiyası İran tərəfinə təxminən 5 min FPV tipli dron operatorunun ötürülməsini nəzərdən keçirir.
Bildirilib ki, söhbət fiber-optik idarəetmə sistemli FPV dronlardan gedir və bu texnologiyanın döyüş əməliyyatlarında istifadəsi artır.
Məlumata əsasən, Rusiya həmçinin İranın Fars körfəzi yaxınlığında ABŞ hərbi qüvvələrinə qarşı mümkün hücumların qarşısının alınması və ya planlaşdırılması üçün pilotsuz uçuş aparatları operatorlarının hazırlanmasını da gündəmə gətirib.
Qeyd olunur ki, bu iddialar müstəqil şəkildə təsdiqlənməyib və tərəflərdən rəsmi açıqlama verilməyib.
15:09 09.05.2026
Oxunuş sayı: 295
