Səudiyyə Ərəbistanından İran-ABŞ böhranı ilə bağlı yeni addım
Səudiyyə Ərəbistanı İran və ABŞ arasında artan gərginliyin azaldılması istiqamətində fəal diplomatik addımlar atır.
Crossmedia.az xəbər verir ki, “Əl-Ərəbiyyə” telekanalının yaydığı məlumata görə, Fars körfəzində baş verən genişmiqyaslı atışmalardan sonra Ər-Riyad münaqişənin genişlənməsinin qarşısını almağa çalışır.
Mənbənin məlumatına əsasən, Səudiyyə Ərəbistanı bölgədə sabitliyin bərpası və siyasi-diplomatik həll yolunun tapılması məqsədilə regional ölkələr və beynəlxalq tərəfdaşlarla daimi təmaslar aparır.
Bildirilir ki, bu diplomatik fəallıq Vaşinqton və Tehran arasında müharibənin dayandırılması ilə bağlı ilkin razılaşmaya yaxınlaşdıqları barədə məlumatların yayıldığı dövrə təsadüf edir.
Qeyd olunur ki, daha əvvəl Pakistan, Səudiyyə Ərəbistanı və digər ölkələrin tərəflər arasında vasitəçilik etməyə çalışdığı barədə xəbərlər yayılmışdı.
15:28 08.05.2026
Oxunuş sayı: 41
