Ermənistan və Türkiyə Gümrü–Qars dəmir yolunun bərpasını sürətləndirir
Ermənistan Xarici İşlər Nazirliyi Ermənistan Xarici İşlər Nazirliyi Gümrü–Qars dəmir yolunun bərpası və istismarı ilə bağlı Ermənistan–Türkiyə birgə işçi qrupunun növbəti iclası barədə məlumat yayıb.
Crossmedia.az bu barədə xarici mediaya istinadən xəbər verir.
Bildirilib ki, Ermənistan və Türkiyə arasında normallaşma prosesi çərçivəsində əldə olunmuş razılaşmalara uyğun olaraq, aprelin 28-də Qars şəhərində birgə işçi qrupunun iclası keçirilib.
Görüşdə tərəflər regionda nəqliyyat əlaqələrinin genişləndirilməsi məsələlərini müzakirə edərək, Gümrü–Qars dəmir yolu xəttinin bərpası və yaxın vaxtlarda istismara verilməsinin vacibliyini vurğulayıblar.
Qeyd edək ki, bu layihə regionda iqtisadi əməkdaşlığın gücləndirilməsi və nəqliyyat imkanlarının artırılması baxımından mühüm əhəmiyyət daşıyır.
17:00 28.04.2026
Oxunuş sayı: 38
