Xarici xəbərlər

Neftin bahalaşması gözlənilir

Goldman Sachs neftin barrelinə təxminən 120 dollara qədər yüksəlməsi riski barədə xəbərdarlıq edib.

Crossmedia.az xəbər verir ki, bu barədə "Financial Times" (FT) qəzeti məlumat yayıb.

Nəşrin məlumatına görə, bank, Yaxın Şərq ixracatı iyun ayının sonuna qədər normallaşarsa, dördüncü rüb üçün Brent markalı neftin baza proqnozunu barrelinə görə 80 dollardan 90 dollara qaldırıb.

Ən pis ssenaridə, tədarük iyul ayının sonuna qədər bərpa olunarsa və Fars körfəzində hasilat gündə 2,5 milyon barel azalarsa, Brent markalı neftin orta qiyməti təxminən 120 dollar ola bilər.

Hörmüz boğazından gəmi daşınması hazırda demək olar ki, tamamilə dayandırılıb və ABŞ-İran danışıqlarının pozulması və boğazın blokadasının sərtləşdirilməsi səbəbindən 17 apreldən bəri neft qiymətləri 20%-dən çox artıb.

Goldman, həmçinin xəbərdarlıq edir ki, neft məhsullarının çatışmazlığı riski və bazar şokunun miqyası səbəbindən iqtisadi təsir təkcə neftin qiymətində göstəriləndən daha böyük ola bilər.

🖨 Çap et

21:00 27.04.2026

Oxunuş sayı: 54