Nyu-York merindən QALMAQALLI ÇIXIŞ: Azərbaycan və Türkiyəyə ağır ittihamlar səsləndirdi
ABŞ-nin Nyu-York şəhərinin meri Zöhran Mamdani 24 aprel – qondarma “erməni soyqırımı”nın ildönümü ilə bağlı çıxış edib və Azərbaycanla Türkiyəyə qarşı sərt iddialar səsləndirib.
Crossmedia.az bu barədə xarici mediaya istinadən xəbər verir.
O, çıxışında 1915-ci il hadisələrini “1,5 milyon erməninin qətlə yetirilməsi” kimi təqdim edərək müasir Türkiyə, Suriya və Ermənistan ərazilərində Osmanlı İmperiyası tərəfindən soyqırım həyata keçirildiyini iddia edib.
Mamdani, həmçinin 2020-ci il Vətən müharibəsi ilə bağlı Azərbaycanla Türkiyəni hədəf alaraq Dağlıq Qarabağda erməni əhaliyə hücum edildiyini və 2023-cü ildə 100 mindən çox erməninin bölgədən köçürüldüyünü iddia edib. O, bu prosesləri "tarixi davam edən soyqırım kampaniyası" kimi xarakterizə edib.
Mer çıxışında erməni xalqının və bütün insanların azadlıq, təhlükəsizlik və öz müqəddəratını təyin etmə hüququna dəstəyini də ifadə edib.
13:30 25.04.2026
Oxunuş sayı: 67
