Xarici xəbərlər

Tehran ABŞ-la mümkün danışıqlar iddialarını təkzib etdi

İranın xarici işlər naziri Abbas Əraqçinin Pakistanın paytaxtı İslamabada planlaşdırılan səfəri ABŞ nümayəndələri ilə hər hansı danışıqları əhatə etmir.

Crossmedia.az bu barədə "Tasnim"ə istinadən xəbər verir.

Məlumata görə, səfərin məqsədi Pakistanla bağlı mövqelərin müzakirəsi və gərginliyin azaldılmasıdır.

Agentlik Qərb mediasını yalan məlumat yaymaqda ittiham edərək, daha əvvəl ABŞ vitse-prezidenti Cey Di Vensin Pakistana planlaşdırılan, lakin baş tutmayan səfəri ilə bağlı xəbərləri xatırladıb.

Bundan əvvəl CNN mənbələrə istinadən ABŞ Prezidenti Donald Trampın xüsusi nümayəndələri Stiv Uitkof və Cared Kuşner-i Araqçi ilə mümkün danışıqlarda iştirak etmək üçün İslamabada göndərdiyini iddia etmişdi.

🖨 Çap et

09:35 25.04.2026

Oxunuş sayı: 54