Xarici xəbərlər

Bu şəxslərə 10 milyon dollar VERİLƏCƏK

ABŞ İraqda fəaliyyət göstərən “Kətaib Seyid əl-Şühəda” qruplaşmasının lideri barədə məlumat verənlər üçün 10 milyon dollar mükafat təyin edib.

Crossmedia.az xəbər verir ki, bu barədə ABŞ Dövlət Departamentinin “Ədliyyə üçün Mükafatlar” proqramı çərçivəsində X sosial şəbəkəsində yayılan açıqlamada bildirilib.

Məlumata əsasən, Haşim Finyan Rəhim əl-Sərəci adı ilə tanınan şəxs “Kətaib Seyid əl-Şühəda” qruplaşmasına rəhbərlik edir. Qeyd olunub ki, bu qruplaşmanın üzvləri İraqda mülki şəxslərə qarşı hücumlarda və ABŞ-nin diplomatik nümayəndəliklərinə qarşı zorakılıq aksiyalarında iştirak ediblər.

Açıqlamada həmçinin vurğulanır ki, qruplaşma ABŞ-nin İraqdakı diplomatik obyektləri, eləcə də İraq və Suriyadakı hərbi bazalar və şəxsi heyətə qarşı hücumlarla əlaqələndirilir.

🖨 Çap et

15:50 24.04.2026

Oxunuş sayı: 84