ABŞ–İran dialoqu müzakirə olunur
Pakistanın Baş naziri Şahbaz Şərif İran Prezidenti Məsud Pezeşkian ilə ABŞ-İran münasibətləri və mümkün danışıqları müzakirə edib.
Crossmedia.az bu barədə xarici mediaya istinadən xəbər verir.
Şərif bildirib ki, İranın bu prosesdə iştirakını və yüksək səviyyəli nümayəndə heyətinin İslamabada göndərilməsi təşəbbüsünü yüksək qiymətləndirir. O, həmçinin Tehranda Pakistan ordusunun komandanı Asim Munir ilə keçirilən son görüşləri də qeyd edib.
Pakistanın Baş naziri əlavə edib ki, Səudiyyə Ərəbistanı, Qətər və Türkiyə liderləri ilə apardığı son danışıqlardan əldə olunan fikirləri də İran tərəfi ilə bölüşüb.
Şərif vurğulayıb ki, Pakistan dost və tərəfdaşlarının dəstəyi ilə regionda davamlı sülh və sabitliyin təmin olunması üçün dürüst və səmimi vasitəçi rolunu davam etdirmək niyyətindədir.
10:20 20.04.2026
Oxunuş sayı: 81
