Xarici xəbərlər
Kahramanmaraşdakı məktəb hücumçusunun kompüter qeydləri üzə çıxdı
Türkiyənin Kahramanmaraş şəhərində baş verən və cəmiyyətdə dərin sarsıntı yaradan məktəb hücumu ilə bağlı yeni detallar ortaya çıxıb. Hadisə zamanı 10 nəfərin həyatını itirdiyi bildirilir.
Crossmedia.az xəbər verir ki, bu barədə türk mediası araşdırma edib.
Araşdırmalar zamanı 14 yaşlı hücumçu İsa Aras Mersinlinin şəxsi kompüterində saxladığı qeydlər aşkarlanıb. Məlumata görə, 11 aprel 2026-cı il tarixində yazılan bu qeydlər hücumun əvvəlcədən planlaşdırıldığını göstərir.
Qeydlərdə hücumçunun özünü “dahi” kimi təqdim etdiyi, ətrafındakı insanları isə alçaldığı qeyd olunur. O, yüksək intellektə sahib olduğunu iddia edərək məktəbi və təhsil sistemini mənasız hesab etdiyini yazıb.
Eyni zamanda, onun ailəsi və sosial çevrəsi ilə problemlər yaşadığı, özünü tənha hiss etdiyi də qeydlərdə əksini tapıb. Hücumçu diqqət çəkmək və “varlığını hiss etdirmək” istədiyini bildirib.
İstintaq orqanları qeyd edir ki, bu yazılar hadisənin motivlərini anlamaq baxımından mühüm sübut hesab olunur. Hazırda mütəxəssislər digər rəqəmsal materialların araşdırılmasını davam etdirir.
"Bunu 11 aprel 2026-ci ildə yazıram. Sən bunu oxuduğun anda mən ya böyük bir şey planlayır, ya planladığımı həyata keçirmiş, ya da həyata keçirmək üzrə olacağam. Niyəsini bilmirəm, amma çox böyük üstünlüklərim var idi. Həmişə insanlarla qaynaşmağa çalışmışam, lakin yenə də yalnız qalmışam. İnsanların məni tanımalarından, fərqimə varmalarından xoşum gəlir. İstəyirəm ki, bu dünyadakı varlığımı, verdiyim zərərləri hiss etsinlər. İstəyirəm ki, nəhayət, mənim fərqimə varsınlar. Mən bir dahiyəm. Hamıdan əlayam. Ən üstün insanam. Özümə sadiqəm. Mən daha əlayam. Üstün zəkalıyam. 130 IQ-um var. Heç dərs oxumadan həmişə yüksək qiymətlər almışam. İngilis dilini məktəbdə öyrənməmişəm. Evdə də danışmırdım. Sadəcə bir neçə il ərzində öz-özünə səlis danışa bildim. Məktəb mənə heç nə qazandırmadı. Öz-özümə öyrənmək daha sürətli idi".
Fatimə
11:10 19.04.2026
Oxunuş sayı: 373
