Avropa ABŞ-siz nəyə qadir olduğunu yoxlayacaq
Avropa İttifaqı (Aİ) ilk dəfə olaraq ABŞ-nin köməyi olmadan özünü müdafiə edə bilib-bilməyəcəyini yoxlayacaq.
Crossmedia.az xəbər verir ki, bu barədə "Bloomberg" məlumat yayıb.
Aİ-ə üzv dövlətlərindən birinə hücum ssenarisi əsasında ilk genişmiqyaslı təlimlərinə hazırlaşır.
Təlimlərdə üzv dövlətin digər təşkilat ölkələrindən hərbi yardım istəməsi mexanizmi sınaqdan keçiriləcək.
Əvvəlcə Brüsseldəki səfirlər, ardınca may ayında Kiprdə müdafiə nazirləri iştirak edəcək.
Təlimlər Aİ Müqaviləsinin 42.7-ci maddəsinə əsaslanır.
Bu maddə müttəfiqləri hücum halında bütün mümkün vasitələrlə kömək etməyə məcbur edir.
Bu ifadə NATO-nun 5-ci maddəsindən daha güclü hesab olunur, burada hər bir ölkə müəyyən bir vəziyyətdə hansı tədbirləri zəruri hesab etdiyini özü müəyyən edir.
18:07 18.04.2026
Oxunuş sayı: 43
