Xarici xəbərlər

Hörmüz qərarından əvvəl neft bazarında böyük satış

İranın Hörmüz boğazı ilə bağlı rəsmi açıqlamasından təxminən 20 dəqiqə əvvəl neft bazarında iri həcmli maliyyə əməliyyatı qeydə alınıb.

Crossmedia.az bu barədə "Reuters"ə istinadən xəbər verir.

İranın xarici işlər nazirinin Hörmüz boğazının kommersiya daşımalarına açıldığını elan etməsindən az əvvəl investorlar təxminən 8000 Brent neft fyuçers müqaviləsi satıblar. Ardınca neftin qiymətində təxminən 11% azalma baş verib.

Bəzi treyderlər açıqlamadan əvvəl qeyri-adi vaxtlanmış əməliyyatlar nəticəsində təxminən 760 milyon dollarlıq mövqe qazanıb. Bu isə bazarda insayder məlumatı ehtimalı ilə bağlı suallar doğurub.

Qeyd olunur ki, bu, ilk belə hadisə deyil və Yaxın Şərqdə geosiyasi gərginliklərlə bağlı əvvəlki böyük açıqlamalardan öncə də oxşar şübhəli ticarət əməliyyatları qeydə alınıb. Hazırda maliyyə tənzimləyici orqanlar məsələni araşdırır.

Neft qiymətləri isə bu gün yenidən yüksəliş trendinə qayıdıb.

🖨 Çap et

15:30 18.04.2026

Oxunuş sayı: 50