Paşinyanın əsas rəqibi parlament seçkilərində qalib gəlməyə iddialıdır
"Güclü Ermənistan" partiyasının lideri Samvel Karapetyan parlament seçkilərində qalib gəlmək şansının 100%-ə bərabər olduğuna inandığını bildirib.
Crossmedia.az "SputnikArmenia"-ya istinadən xəbər verir ki, o, bu açıqlamanı məhkəmə iclasından sonra jurnalistlərin suallarını cavablandırarkən verib.
Baş nazir Nikol Paşinyanın hakimiyyətə gələcəyi təqdirdə müharibə riskləri ilə bağlı açıqlamasına münasibət bildirən Karapetyan hökumət başçısının "müalicəyə ehtiyacı olduğunu" bildirib.
Məhkəmənin ev dustaqlığının üç ay uzadılması qərarı barədə danışarkən o, fərqli bir nəticə gözləmədiyini, buna görə də bu, onun üçün sürpriz olmadığını qeyd edib.
Xatırladaq ki, aprelin 17-də Korrupsiyaya Qarşı Mübarizə Məhkəməsi Samvel Karapetyanın ev dustaqlığını üç ay uzadıb.
Növbəti iclas aprelin 30-na təyin edilib.
Karapetyan vergidən yayınma, çirkli pulların yuyulması, xüsusilə külli miqdarda mənimsəmə və hakimiyyəti ələ keçirməyə açıq çağırışlarda ittiham olunub. İşdə daha iki təqsirləndirilən şəxs də iştirak edir. İşə hakim Vahe Dolmazyan baxır.
20:15 17.04.2026
Oxunuş sayı: 60
