Xarici xəbərlər
Suriya prezidenti: İsrailin addımları gərginliyi artırır
Suriya prezidenti Əhməd əl-Şaraa regiondakı son vəziyyətlə bağlı açıqlama verib.
Crossmedia.az xarici mediyaya istinadən xəbər verir.
O, İsrailin Suriyaya qarşı hərəkətlərini sərt tənqid edərək, Colan Təpələri ilə həmsərhəd ərazilərdə gərginliyin artdığını bildirib.
Şaraa qeyd edib ki, bu şəraitdə Suriya tərəfi diplomatik yanaşmaya üstünlük verib və beynəlxalq ictimaiyyəti eskalasiyanın qarşısının alınması üçün səylər göstərməyə çağırıb.
Prezident həmçinin Suriyanın şimal-şərq bölgəsində sonuncu xarici hərbi bazanın çıxarıldığını və Suriya Demokratik Qüvvələri ilə dövlət arasında inteqrasiya prosesinə start verildiyini açıqlayıb. Onun sözlərinə görə, bu inkişaf ölkənin suverenliyinin bərpası baxımından mühüm strateji addım hesab olunur.
Əl-Şaraa Türkiyənin Suriyadakı roluna da toxunaraq, Ankara ilə tarixi və coğrafi əlaqələrin iki ölkəni sıx bağladığını bildirib və Türkiyənin uzun illərdir “Suriya xalqının yanında yer aldığını” qeyd edib.
O əlavə edib ki, Suriya–Türkiyə tərəfdaşlığı regionun gələcək təhlükəsizliyi üçün mühüm əhəmiyyət daşıyır.
Prezident həmçinin İsraillə aparılan danışıqlara da toxunaraq, prosesin tam çıxılmaz vəziyyətə düşmədiyini, lakin İsrailin Suriya ərazilərində qalmaqda israrlı mövqeyinin danışıqları çətinləşdirdiyini vurğulayıb.
15:50 17.04.2026
Oxunuş sayı: 185
