“Diaspor Akademiyası- 2”nin növbəti təlimi keçirildi
“Diaspor Akademiyası-2” layihəsinin növbəti 5-ci təlimi “Dövlət qurumları və beynəlxalq təşkilatlara müraciətlərin, məktubların yazılması qaydaları” mövzusuna həsr edilib.
Crossmedia.az xəbər verir ki, bu barədə Diasporla İş üzrə Dövlət Komitəsi məlumat yayıb.
Bildirilib ki, tanınmış təlimçi, Siyasi Texnologiyalar Mərkəzinin rəhbəri Vəli Əlibəyov təlim iştirakçılarına dövlət qurumları və beynəlxalq təşkilatların təsnifatı və səlahiyyətləri, bu qurumların məktub və müraciətlərlə işləmə qaydaları, ölkələrə görə məktub və müraciətlərin yazılması, əks əlaqənin yaradılması, məktub və müraciətlərin hərəkətlərinin izlənilməsi və diaspor üçün digər vacib məsələlər barədə məlumat verib.
Təlim iştirakçıları qeyd edilən mövzu ilə bağlı qarşılaşdıqları problemlər, onların həlli yolları ilə bağlı fikirlərini bildirib, təcrübələrini bölüşüblər. Onları maraqlandıran suallar təlimçi və bəzi iştirakçılar tərəfindən cavablandırılıb.
15:49 10.12.2024
Oxunuş sayı: 7132
