Yeni Zelandiya məktəbində Azərbaycan haqqında TƏQDİMAT
Yeni Zelandiyanın Tauranqa şəhərində yaşayan soydaşımız Jalə Pariyab övladının təhsil aldığı “Selwyn Ridge” məktəbində Azərbaycan haqqında təqdimat keçirib.
Crossmedia.az xəbər verir ki, bu barədə Diasporla İş üzrə Dövlət Komitəsi məlumat yayıb.
Qızı ilə birlikdə tədbirə milli geyimdə qatılan Jalə Pariyab “Uzundərə” rəqsini nümayiş etdirib, məktəblilərlə birlikdə şəkərbura hazırlayıb və onlara hədiyyələr paylayıb.
Azərbaycanın qədim tarixə, zəngin mədəniyyətə, adət-ənənələrə, multikultural dəyərlərə və füsunkar təbiətə malik ölkə olduğu tədbirin iştirakçısı müəllim və uşaqların nəzərinə çatdırılıb.
12:39 10.12.2024
Oxunuş sayı: 3900
