Suriyanın yeni bayrağı - xilafət varisliyinə istinad edir
Suriyada baş verən hadisələr analitiklər tərəfindən geniş təhlil olunur. Müxalifətin atdığı hər bir addım diqqət çəkir və şərh edilir. Suriyanın dövlət bayrağının dəyişdirilməsi və bu addımın atılmasının zərurəti müzakirə edilən məsələlər sırasındadır.
Mövzu ilə bağlı Cross Media Təhlil Mərkəzinin analitiki, Yaxın Şərq məsələləri üzrə ekspert Vüqar Zifəroğlu özünün Feysbuk səhifəsində paylaşım edib:
"Əslində yeni bayrağın tarixi keçmişi var və ilk dəfə 1930-cu ildə Suriya Respublikasının bayrağı kimi təsdiq olunub. Bayraqda yaşıl rəng Raşidilər, ağ rəng Əməvilər, qara rəng isə Abbasilər xilafətlərini təmsil edir. Raşidilər Peyğəmbərdən sonra xilafət taxtına oturmuş 4 raşidi xəlifəyə - Əbu Bəkr (632-634), Őmər (634-644), Osman (644-656) və Əlini (656-661) - deyilir. Sonrakı dőnəmlərdə isə Əməvi (661-756) və Abbasi (756-1258) sülalələrinin nümayəndələri xilafət taxtına əyləşlər. Bu mənada bayraqdakı rənglər - məhz xilafət varisliyinə istinad edir.
Mərkəzdə olan üç qırmızı ulduz isə Hələb, Dəməşq və Əl-Cəzirə əyalətlərini təmsil edirdi. Sonradan ulduzların mənalandırılmasında ölkədə olan digər regionlar da əlavə edildi. 1930-1958 və 1961-1963-cü illərdə isə Suriya dövlətinin rəsmi bayrağı statusunu qazandı.
Bayraq 2011-ci ildən etibarən Bəşşar Əsədə qarşı olan qüvvələrin bayrağı kimi istifadə edilirdi".
15:02 09.12.2024
Oxunuş sayı: 7305
