Yaxın Şərq

İran məsələsi beynəlxalq aporiyaya çevrilir

Müharibə qanunlarında bütün hədəflərin legitimlik anlayışı qanuniləşdirildi.

İranın ali dini rəhbəri Əli Xameneyinin Ameika və İsrail bombardmanı nəticəsində həlak olduğu təsdiqlənib. Əli Xameneinin şiə dünyasında önəmli nüfuzunu və dini-siyasi statusunu nəzərə alsaq hadisələrinin yeni məcraya qədəm qoyduğu aydın görünür. Amma hamını bir sual düşündürür. Bundan sonra necə olacaq?

Hazırda hadisələr özünün ən pik həddindədir. Generalların çoxu və dini-siyasi lider aradan götürülsə də ABŞ-ın və İsrailin missiyasının bir günün içində başa çatacağını düşünmək sadəlövhlük olardı. Məncə Xamaneyinin qətli prosesi başqa məcraya keçirdi.

Ən azı Maduro ssenarisindən fərqli məcraya.

Çünki 1979-cu ildə devrilən Rza şah Pəhləvidən fərqli olaraq o qaçmayıb, əksinə ailəsi daxil olmaqla həyatını itirib. Bu isə İran daxili auditoriyası üçün, xüsusilə teokratik quruluşu dəstəkləyənlər üçün vacib immunitetdir. Regional anti-amerikan şiə və sünni elektoratı üçün üçün də bu tezis keçərlidir. Pakistanda ABŞ konsulluğuna hücum bunu isbatlayır. Bütün bu faktorlar İran məsələsini artıq beynəlxalq aporiyaya çevirir.

Hadisələrin bu səviyyəyə qalxması qlobal qarşıdurmaya da gətirib çıxara bilər, beynəlxalq terrorizmin inkişafına da. O cümlədən regional müharibə də bitməmiş qalar, əksinə davamlı formaya keçid edər.

Əgər əvvəllər hərbi hədəflər legitim hesab olunurdusa indi mülki və siyasi hədəflər də bura daxil edildi.

Beləliklə, müharibə qanunlarında bütün hədəflərin legitimlik anlayışı qanuniləşdirildi.