Nazir: Azərbaycanda hovuzların sayında artım var
“Bu yarış üçüncü dəfə keçirilir. Əvvəlkilərdən fərqli olaraq, bu dəfə iştirakçı sayında artım var”. Bu sözləri gənclər və idman naziri Fərid Qayıbov Bakıda üçüncü dəfə keçirilən “Üzgüçülük hamı üçün” layihəsinin açılış mərasimindən sonra jurnalistlərə müsahibəsində deyib.
Nazir bildirib ki, son illərdə ölkədə üzgüçülük idman növün yüksək səviyyədə inkişaf edir: “Üzgüçülük hamı üçün” layihəsində müxtəlif yaş kateqoriyasından olan idmançılar iştirak edirlər. Bölgə insanları da bu yarışda iştirak edirlər. Ən kiçik idmançının 9 yaşı var. Bu da sevindirici məqamdır. Çünki üzgüçülük insanların sağlamlığı baxımından çox önəmlidir”.
F.Qayıbovun sözlərinə görə, idmanda kütləviliyin artırılması üçün müxtəlif layihələr həyata keçirilir: “Arıq Azərbaycanda hovuzların sayında da artım var. Hamımız insanları idmana dəvət edirik”.
Qeyd edək ki, Gənclər və İdman Nazirliyi, Azərbaycan Üzgüçülük Federasiyasının birgə keçirdiyi yarışa bu gün yekun vurulacaq. 14 yaş kateqoriyası üzrə baş tutan yarışın qalibləri Türk Dövlətləri Təşkilatına üzv və müşahidəçi ölkələr arasında 2025-ci ildə keçiriləcək final mərhələsinə vəsiqə qazanacaqlar. (azərtac)
19:36 01.12.2024
Oxunuş sayı: 4420
