Qadınlar korrupsiyaya kişilərdən daha az yoluxur - Paşinyan
Ermənistanın baş naziri Nikol Paşinyan bildirib ki, qadınlar kişilərə nisbətən daha az korrupsiya sövdələşmələrində iştirak edirlər.
Crossmedia.az bu barədə erməni mediasına istinadən xəbər verir.
Məhkəmə İşçiləri Gününə həsr olunmuş panel müzakirəsində çıxış edən Paşinyan qeyd edib ki, subyektivlik və “korrupsiya zehniyyəti” qadınlar arasında daha az müşahidə olunur və bunun çox konkret səbəbləri var.
Onun sözlərinə görə, qadınlar kişilərə nisbətən cinayətkarlar üçün daha az əlçatandır və cinayət subkulturasına daha az həssasdırlar.
Yeri gəlmişkən, Paşinyan “bu məsələni kişilər kimi həll edək” ifadəsini kriminal subkulturanın əlaməti hesab edir.
Ermənistanın baş naziri həmçinin əlavə edib ki, Ermənistanda ədalət üçün əsas məsuliyyət qadınların üzərinə düşür.
O hesab edir ki, təhsil ədalətin təmin edilməsində və cinayətkar subkulturaya qarşı effektiv mübarizədə əsas amildir.
Qeyd edək ki, Ermənistanda hazırda baş prokuror, daxili işlər naziri, ədliyyə naziri, penitensiar idarənin rəisi postlarını qadınlar tutur.
Kübra Musayeva
17:00 12.01.2026
Oxunuş sayı: 1292
