18 yaşlı dağıstanlı Səid Murtazəliyev Rusiya Müdafiə Nazirliyi ilə müqavilə bağlamağa məcbur edilərək Luqansk vilayətində cəbhəyə göndərilib və indi itkin düşüb.
Crossmedia.az xarici mediaya istinadən xəbər verir ki, Murtazəliyevin anasına verdiyi məlumata görə, istintaq təcridxanasında ona işgəncələr verilib, qaz maskası taxılıb və huşunu itirənə qədər ölüm hökmü olan sənədi imzalamağa məcbur edilib. Daha sonra o, məhkumlarla birlikdə döyüş bölgəsinə göndərilib.
Martın əvvəlində Səid anasına bildirib ki, komandirlər onu digər əsgərlərdən pul yığmağa məcbur ediblər ki, hücuma çıxmasınlar. Buna baxmayaraq, komandanlıq onu hücuma göndərib və Səid “sıfırlanmaq” əmri aldığını bildirib – bu, yerli döyüşçülərin müharibədə sərf edilə bilən hesab edildiyinin göstəricisidir.
Martın 8-də Rusiya hərbi komandanlığı Səidin döyüşdə itkin düşdüyünü elan edib. Ekspertlər bu hadisəni Rusiya hökumətinin hərbi səfərbərlik adı altında yerli xalqları qəsdən müharibəyə göndərərək demoqrafik və milli təmizləmə məqsədilə istifadə etməsinin bariz nümunəsi kimi qiymətləndirirlər.
Hadisə Rusiyanın bölgələrdən gələn gəncləri zorla müharibəyə cəlb etməsi və onların həyatını təhlükəyə atması ilə bağlı ciddi beynəlxalq narahatlıqlar yaradıb.
Kübra Musayeva
