ABŞ neft qiymətlərini azaltmaq niyyətindədir – Tramp
ABŞ Prezidenti Donald Tramp Vaşinqtonun Venesuela ilə bağlı siyasətinin qlobal enerji bazarına təsir göstərəcəyini bəyan edib. Onun sözlərinə görə, ABŞ Venesuela üzərində nəzarəti gücləndirdiyi təqdirdə neftin dünya bazarındakı qiymətlərinin aşağı salınmasına çalışacaq.
Bu barədə Crossmedia.az xarici KİV-ə istinadən xəbər verir.
Tramp bildirib ki, Venesuelanın zəngin neft ehtiyatları düzgün və səmərəli şəkildə istifadə olunarsa, bu, qlobal bazarda neft təklifinin artmasına və qiymətlərin sabitləşməsinə gətirib çıxara bilər. O, hazırkı vəziyyətdə neftin qiymətlərinin süni şəkildə yüksək saxlanıldığını iddia edib.
ABŞ Prezidentinin fikrincə, Vaşinqtonun məqsədi enerji bazarında balans yaratmaq və istehlakçılar üçün daha əlverişli qiymətlərin formalaşmasına nail olmaqdır. Tramp Venesuela məsələsinin yalnız siyasi deyil, eyni zamanda iqtisadi və enerji təhlükəsizliyi baxımından da mühüm əhəmiyyət daşıdığını vurğulayıb.
Türkanə Məşədiyeva
13:53 08.01.2026
Oxunuş sayı: 1268
