Bu təltif bizim motivasiyamızı artıracaq - Diaspor sədri
Bir qrup şəxs Azərbaycan diasporunun inkişafında xidmətlərinə Prezident İlham Əliyev tərəfindən təltif edilib. Sərəncama əsasən, xalqlar arasında dostluğun möhkəmləndirilməsi və Azərbaycan diasporunun inkişafı sahəsində xidmətlərinə görə təltif edilənlərdən biri də "Iğdır Azərbaycan Evi"nin başqanı Ziya Zakir Acardır.
Ziya Zakir Acar təltif edilməsi ilə bağlı düşüncələrini Crossmedia.az-la bölüşüb: "Mən çox təşəkkür edirəm, bu mənim üçün böyük bir qürurdur. Həqiqətən də çox böyük qürur hissi keçirirəm. Cənab prezident İlham Əliyevin bizi təltif etməsi şərəfdir. Biz Azərbaycan türkləri olaraq illərdir çalışırıq və heç bir qarşılıq gözləmirik. Mən Heydər Əliyevlə də çox görüşmüşdüm. Daha sonra İlham Əliyev də medal ilə bizi təltif etmişdi. Bu son medal üçün də təşəkkür edirəm. Bu bizim motivasiyamızı artıracaq və biz çalışmalarımızı daha da artıracağıq".
Ayhan
18:36 07.01.2026
Oxunuş sayı: 2215
