Diaspor təşkilat rəhbərləri ilə gələcək planlar müzakirə olunub
Diasporla İş üzrə Dövlət Komitəsinin sədri Fuad Muradov “Koloradoda Azərbaycan Diasporu” təşkilatının rəhbəri, Amerika Azərbaycan Təşkilatları Alyansı İdarə Heyətinin üzvü Nigar Şıxsəfiyeva və “Britaniya Azərbaycanlıları Assosiasiyası”nın rəhbəri Hafiz Baxşəliyev ilə görüşüb.
Crossmedia.az bu barədə Diasporla İş üzrə Dövlət Komitəsinə istinadən xəbər verir.
Görüşdə ABŞ-də və Birləşmiş Krallıqda Azərbaycan icmalarının fəaliyyəti, həyata keçirilən tədbirlər, xüsusilə 2025-ci il – Zəfərin beşilliyi münasibətilə görülən işlər, eləcə də yeni təşəbbüslərlə bağlı fikir mübadiləsi aparılıb.
Prezident İlham Əliyevin rəhbərliyi ilə diaspor quruculuğu sahəsində əldə olunan nailiyyətləri vurğulayan komitə sədri Azərbaycan həqiqətlərinin təbliği, ölkəmizin xaricdə tanıdılması istiqamətində görülən işlərdən danışıb. Sədr, həmçinin soydaşlarımızın milli kimliyini unutmaması, xüsusilə yeni nəsil azərbaycanlıların xaricdəki onlayn həftəsonu məktəblərinə cəlb olunması istiqamətində müəyyənləşən hədəflərə diqqət çəkib.
18:12 07.01.2026
Oxunuş sayı: 2383
