Diaspor

Adı qaliblər sırasında çəkilən azərbaycanlı

Qərbi Qazaxıstan vilayətində Qazaxıstan Respublikasının Turizm və İdman Nazirliyinin təşəbbüsü ilə idman sahəsində ilin yekunlarına həsr olunan tədbir keçirilib.

Crossmedia.az bu barədə Diasporla İş Üzrə Dövlət Komitəsinə istinadən xəbər verir.

Mərasimdə ilin ən yaxşı idmançıları, həmçinin idman sahəsində xüsusi nailiyyət əldə edən şəxslər mükafatlandırılıblar.

"Birlik" Azərbaycan Etnomədəni Birliyinin üzvü, bölgə üzrə karate Federasiyasının vitse-prezidenti Elgün Canəliyev "İdman sahəsinə göstərilən dəstəyə görə" nominasiyasının qalibi elan olunaraq mükafata layiq görülüb.

Məlumat üçün qeyd edək ki, Elgün Canəliyev, eyni zamanda Xalq Assambleyasının Uralsk bölgəsinin Gənclər Təşkilatının sədri kimi fəaliyyət göstərir və gənclərin ictimai fəallığının artırılması, multikultural dəyərlərin təşviqi istiqamətində mühüm layihələr həyata keçirir.

🖨 Çap et

01:35 31.12.2025

Oxunuş sayı: 1366