Qahirədə Dünya Azərbaycanlılarının Həmrəyliyi Günü qeyd olunub
Qahirədəki Misir-Azərbaycan Dostluq Mərkəzində 31 Dekabr - Dünya Azərbaycanlılarının Həmrəyliyi Günü münasibətilə tədbir keçirilib.
Crossmedia.az bu barədə Diasporla İş Üzrə Dövlət Komitəsinə istinadən xəbər verir.
Tədbirdə Azərbaycanın Misirdəki fövqəladə və səlahiyyətli səfiri Elxan Poluxov, Dostluq Cəmiyyətinin İdarə Heyətinin sədri, diaspor rəhbəri tədqiqatçı-alim Seymur Nəsirov, Qahirədə yaşayan soydaşlarımız, cəmiyyətdə fəaliyyət göstərən kurslarda Azərbaycan dilini öyrənən bir qrup tələbə iştirak edib.
Mərasimin açılışında Azərbaycanın və Misirin Dövlət himnləri səsləndirilib.
Səfir Elxan Poluxov Ulu Öndərin müəyyən etdiyi bu tarixi günün xalqımızın gələcəyinə istiqamət verdiyini bildirib. Diplomat sona çatmaqda olan 2025-ci ilin Misir-Azərbaycan əlaqələrinin inkişafı baxımdan yaddaqalan hadisələrin şahidi olduğunu qeyd edib
Seymur Nəsirov Dünya Azərbaycanlılarının Həmrəyliyi Gününün tarixi barədə qısa məlumat verib, bu əlamətdar günün təsis edilməsinin Ümummilli Lider Heydər Əliyevin adı ilə bağlı olduğunu deyib. O həmçinin Azərbaycan icmasının, eyni zamanda Misir-Azərbaycan Dostluq Cəmiyyətinin fəaliyyətindən danışıb.
Tədbirin sonunda Misir-Azərbaycan Dostluq Cəmiyyətinin tələbələrinin ifasında Azərbaycan dilində vətənpərvərlik şeirləri səsləndirilib.
21:45 30.12.2025
Oxunuş sayı: 1301
