Estoniyada azərbaycanlı uşaqların bayram sevinci
Estoniyada fəaliyyət göstərən Azərbaycan Evində və Azərbaycan uşaq bağçasında 31 Dekabr – Dünya Azərbaycanlılarının Həmrəylik Günü və Yeni il münasibətilə bayram tədbiri keçirilib.
Crossmedia.az bu barədə Diasporla İş Üzrə Dövlət Komitəsinə istinadən xəbər verir.
Tədbir çərçivəsində maraqlı şou-proqram təqdim edilib. Uşaqlar şeirlər söyləyib, mahnı və rəqslər ifa edib, eləcə də interaktiv oyunlarda fəallıq göstəriblər. Uşaqların sevimli qəhrəmanları – Cırtdan və Şaxta babanın tədbirdə iştirakı isə əsl bayram ovqatı yaradıb.
Tədbirdə iştirak edən valideynlər övladlarının çıxışlarını məmnuniyyətlə izləyib, bayramın səmimi, isti və ailəvi mühitdə keçirilməsini yüksək qiymətləndiriblər.
Tədbirlər xoş təəssüratlar və unudulmaz xatirələrlə yadda qalıb. Sonda uşaqlara Yeni il hədiyyələri təqdim olunub.
14:40 30.12.2025
Oxunuş sayı: 1495
