“Azərbaycan Diaspor Könüllüləri” proqramının növbəti mərhələsi başa çatıb
Azərbaycan Respublikasının Diasporla İş üzrə Dövlət Komitəsinin “Azərbaycan Diaspor Könüllüləri” proqramının 6 ay davam edən növbəti mərhələsi başa çatıb.
Crossmedia.az bu barədə Diasporla İş Üzrə Dövlət Komitəsinə istinadən xəbər verir.
Proqramın başa çatması münasibətilə Diasporla İş üzrə Dövlət Komitəsində iştirakçılarla görüş keçirilib. Görüşdə komitənin və Azərbaycan diasporunun 2025-ci ildəki fəaliyyətini əks etdirən videohesabat nümayiş olunub.
Tədbirdə komitənin Beynəlxalq əlaqələr və gənclərlə iş şöbəsinin müdiri Şahin Camalov və Gənclərlə iş sektorunun müdiri Vüqar Əhmədov həyata keçirilən proqram və layihələrin əhəmiyyətindən danışıblar. Onlar gənclərin ictimai fəallığının artırılması, diaspor fəaliyyətinə cəlb olunması, xaricdə təhsil imkanları, şəbəkələşmə və digər mövzularla bağlı tövsiyələrini verib, iştirakçılara gələcək həyat və fəaliyyətlərində uğurlar arzulayıblar.
Tədbirin sonunda proqramda iştirak edən könüllülərə sertifikatlar verilib və xatirə şəkli çəkdirilib.
21:33 26.12.2025
Oxunuş sayı: 1018
