Almatıda Dünya Azərbaycanlılarının Həmrəyliyi Günü qeyd edilib
Qazaxıstanın Almatı şəhərində fəaliyyət göstərən "Ata Yurd Nomad" Respublika İctimai Birliyi 31 Dekabr - Dünya Azərbaycanlılarının Həmrəyliyi Günü və Qazaxıstanın Müstəqillik Günü münasibətilə bayram tədbiri təşkil edib.
Crossmedia.az bu barədə Diasporla İş Üzrə Dövlət Komitəsinə istinadən xəbər verir.
Birliyin sədri Süleyman Əhmədov iştirakçıları salamlayaraq bayram münasibətilə təbrik edib, həmrəylik və birlik ideyasının əhəmiyyətini vurğulayıb.
Azərbaycan Respublikasının Almatı şəhərindəki konsulu Vüqar Əmirov da çıxış edərək soydaşlarımıza təbriklərini çatdırıb.
Tədbirdə Süleyman Əhmədova Qazaxıstan Respublikasının Oljas Süleymanov adına Xalqlar Dostluğu Ordeni təqdim edilib.
Sonda icmanın fəal üzvləri birliyin təşəkkürnamələri ilə mükafatlandırılıblar.
15:40 26.12.2025
Oxunuş sayı: 4957
