Makron Rusiya aktivlərinin müsadirəsinə qarşı çıxdı
Fransa Prezidenti Emmanuel Makron Almaniya kansleri Fridrix Mertsin Rusiya aktivlərinin müsadirəsi ilə bağlı təşəbbüsünü dəstəkləməyib. Fransa və İtaliyanın bu məsələdə ortaya qoyduğu ehtiyatlı mövqe danışıqların gedişinə ciddi təsir göstərib və nəticədə Rusiya aktivləri ilə bağlı konkret qərar qəbul olunmayıb.
Crossmedia.az xəbər verir ki,məlumata görə, Paris və Roma bu addımın beynəlxalq maliyyə sistemi, eləcə də Avropa ölkələrinin gələcək hüquqi və iqtisadi maraqları üçün risklər yarada biləcəyindən narahatdır. Xüsusilə dövlət aktivlərinin müsadirəsinin presedent formalaşdıracağı və Avropanın etibarlı maliyyə məkanı kimi nüfuzuna zərər verə biləcəyi vurğulanır.
Nəşr qeyd edir ki, Makron bu mövqeyin siyasi nəticələrinin olacağını anlayır və bunun “öz qiyməti”nin olacağını dərk edir.Bildirilir ki, bu addım Avropa daxilində fikir ayrılıqlarını daha da dərinləşdirə və Ukraynaya dəstək məsələsində vahid mövqenin formalaşmasını çətinləşdirə bilər.
Ekspertlərin fikrincə, Rusiya aktivlərinin taleyi Avropa İttifaqı gündəmində qalmaqda davam edəcək və bu mövzu ətrafında müzakirələr yaxın dövrdə daha da intensivləşə bilər.
Nastya Qəniyeva
20:45 21.12.2025
Oxunuş sayı: 1186
