Qərb kəşfiyyatı İranda qeyri-adi hərbi fəallıq müşahidə edib
Qərb kəşfiyyat agentlikləri son günlər İranın İslam İnqilab Keşikçiləri Korpusunun (SEPAH) Hava-Kosmik Qüvvələrində qeyri-adi aktivlik qeydə alıblar.
Bu barədə Crossmedia.az xarici mediaya istinadən xəbər verir.
Məlumata görə, dron, ballistik raket və hava hücumundan müdafiə bölmələrinin koordinasiyalı hərəkəti, eləcə də komanda-idarəetmə siqnalları, yerləşdirmə və logistika fəaliyyətində artım müşahidə olunur.
Kəşfiyyat mənbələri bildirir ki, bu fəallıq adi təlimlərdən fərqlənir və qüvvələrin hazırlıq səviyyəsinin yüksəldiyini göstərə bilər. Xüsusilə müxtəlif silah sistemlərinin eyni vaxtda sinxron fəaliyyəti diqqət çəkir.
İran rəsmiləri məsələ ilə bağlı hələlik rəsmi açıqlama verməyib.
Müşahidələr bölgədə gərginliyin davam etdiyi bir dövrə təsadüf edir.
Mehriban İbrahimli
14:45 21.12.2025
Oxunuş sayı: 1221
