Xarici xəbərlər

"Kətaib Hizbullah" tərksilah olunmağı rədd etdi

İrana bağlı "Kətaib Hizbullah" qruplaşması tərksilah çağırışlarını rədd edib.

Crossmedia.az xarici KİV-ə istinadən xəbər verir. Rəsmi açıqlamada bildirilir ki, silahların dövlət hakimiyyəti altında cəmlənməsi ilə bağlı hər hansı danışıqlar yalnız İraqın suverenliyi və təhlükəsizliyi təmin edildikdən sonra və bütün "işğalçı qüvvələr, NATO qoşunları və Türkiyə ordusu"nun çıxarılmasından sonra mümkün olacaq.

Qruplaşma əlavə edib ki, silahlar şəxsi mülkiyyət deyil və milli suverenlik təmin olunana, ölkə vətəndaşları qorunana qədər müsadirə edilə bilməz.

Qeyd olunur ki, "Kətaib Hizbullah" 2003-cü ildə yaradılmış İraq şiə yaraqlı təşkilatıdır, Livan Hizbullahı modeli üzrə fəaliyyət göstərir və SEPAH-ın Qüds qanadına birbaşa hesabat verir.

🖨 Çap et

14:40 21.12.2025

Oxunuş sayı: 1228