Xarici xəbərlər

Özbəkistanda “Disneyland” səviyyəli ilk əyləncə parkı tikilə bilər

Özbəkistanda “Disneyland” formatında iri əyləncə parkının inşası planlaşdırılır. Layihə reallaşacağı təqdirdə bu, təkcə Özbəkistan üçün deyil, ümumilikdə Mərkəzi Asiya və MDB məkanı üçün bu səviyyədə ilk əyləncə parkı olacaq.

Crossmedia.az xarici mediaya istinadən xəbər verir ki, söhbət təkcə bir parkdan yox, bütöv bir əyləncə klasterinin yaradılmasından gedir. Layihəyə tematik attraksionlar, ailəvi istirahət zonaları, hotellər, ticarət və xidmət obyektlərinin daxil edilməsi nəzərdə tutulur. Hazırda təşəbbüs razılaşdırma və müzakirə mərhələsindədir.

Ekspertlər hesab edirlər ki, bu cür layihə turizmin inkişafına ciddi töhfə verə, regiona xarici turist axınını artıra və yeni iş yerlərinin yaradılmasına imkan verə bilər. Əgər planlar gerçəkləşsə, Özbəkistan regionda əyləncə sənayesinin mərkəzlərindən birinə çevrilə bilər.

Sevinc Yarməmmədova

🖨 Çap et

14:50 21.12.2025

Oxunuş sayı: 1002