Hyundai Rusiyada 36 ticarət nişanı qeydiyyatdan keçirib
2022-ci ildə Rusiya bazarını tərk etmiş Cənubi Koreyanın avtomobil istehsalçısı Hyundai 2025-ci ilin noyabr–dekabr aylarında Rusiyada 36 ticarət nişanını qeydiyyatdan keçirib.
Bu barədə Crossmedia.az TASS-a istinadən xəbər verir.
Məlumata görə, qeydiyyatdan keçirilən ticarət nişanları arasında Genesis, Aerotown, Staria və Mocran adları yer alır. Şirkət müvafiq müraciətləri 2024-cü ilin iyul–sentyabr aylarında Cənubi Koreyadan təqdim edib.
Ticarət nişanlarının böyük hissəsi Beynəlxalq Mallar və Xidmətlər Təsnifatının 12 və 35-ci sinifləri üzrə qeydiyyata alınıb. Bu siniflərə avtomobillər, onların ehtiyat hissələri, eləcə də satış və kommersiya fəaliyyəti ilə bağlı xidmətlər daxildir.
Rusiya Federal Əqli Mülkiyyət Xidmətinin açıqlamasına əsasən, qeydiyyata alınmış patentlər müraciət tarixindən etibarən 10 il müddətində qüvvədə olacaq.
Türkanə Məşədiyeva
15:00 21.12.2025
Oxunuş sayı: 1121
