Xarici xəbərlər

Kamalvəndi: Nüvə bombası yaratmaq ən sadə işdir

İran Atom Enerjisi Təşkilatının sözçüsü Bəhruz Kamalvəndi nüvə texnologiyasının hərbi və mülki tətbiqləri arasındakı fərqlərdən danışaraq bildirib ki, nüvə bombası yaratmaq texniki baxımdan ən asan mərhələdir.

Crossmedia.az bu barədə xarici mediaya istinadən xəbər verir.

Kamalvəndi qeyd edib ki, nüvə bombası yanacağa və reaksiya prosesinə uzunmüddətli nəzarət tələb etmir və bir anda partlayır. Onun sözlərinə görə, nüvə elektrik stansiyası tikmək isə yanacağa və nüvə reaksiyalarının sürətinə davamlı nəzarət tələb etdiyi üçün daha çətin və mürəkkəb texniki prosesdir.

İranın nüvə proqramına toxunan rəsmi şəxs bildirib ki, ölkə nüvə sahəsində güc həddinə çatıb və bu mərhələdə Tehran üçün artıq naməlum texniki məsələ qalmayıb.

🖨 Çap et

14:10 20.12.2025

Oxunuş sayı: 1093