Keçmiş Baş nazir İmran Xan və həyat yoldaşı 17 il müddətinə həbs edildi
Pakistanda məhkəmə keçmiş baş nazir İmran Xan və həyat yoldaşı Büşra Bibi barədə korrupsiya işi üzrə hökm çıxarıb. Onlar ümumilikdə 17 il həbs cəzasına məhkum olunublar.
Crossmedia.az Geo News a istinadən bildirir ki, iş 2021-ci ildə Səudiyyə Ərəbistanı hökumətindən alınmış dövlət hədiyyələri ilə bağlıdır. Məhkəmə Xan və Büşra Bibiyə “ictimai etimaddan sui-istifadə” maddəsi üzrə 10 il, korrupsiyanın qarşısının alınması ilə bağlı qanun pozuntuları üzrə isə 7 il həbs cəzası kəsib. Hər birinə 16,4 milyon Pakistan rupisi (təxminən 60 min ABŞ dolları) məbləğində cərimə tətbiq edilib.
İyul 2024-cü ildə başlanmış iş üzrə istintaq iddia edir ki, keçmiş cütlük qiymətli dövlət hədiyyələrini – bahalı saatları və almaz və qızıl ilə bəzədilmiş zərgərlik məmulatlarını – rəsmi dövlət anbarı Toshaqhanaya təhvil vermədən satıblar.
12:35 20.12.2025
Oxunuş sayı: 1174
